მადრიდის “რეალმა” სერხიო რამოსის ტრავმა დაადასტურა

მადრიდულმა “რეალმა” დაადასტურა ინფორმაცია, რომლის თანახმადაც სერხიო რამოსს მუხლის მყესი აქვს დაჭიმული, რის გამოც ლოპოტეგიმ ალბანეთთან მატჩში ნაადრევად გაიყვანა ის მოედნიდან.

აქვე გეტყვით იმასაც, რომ პირველადი შეფასების მიხედვით, მადრიდელთა კაპიტანს დაახლოებით ერთი თვის გატარება მოუწევს ლაზარეთში, თუმცა ამ ინფორმაციას კლუბის ოფიციალური ვებ-გვერდი ჯერჯერობით არ ადასტურებს.

“დღეს ჩატარებულმა ტესტებმა ფეხბურთელ სერხიო რამოსს მეორე ხარისხის მუხლის მყესის დაჭიმვა დაუდგინა. მისი რეაბილიტაციის პროცესი უმალვე აიღებს სტარტს.” – ვკითხულობთ განცხადებაში.

თუ ნაადრევად გავრცელებული ინფორმაცია დადასტურდება და სერხიო რამოსს 1 თვით მოუწევს უქმობა, მაშინ “რეალს” ის ლა ლიგის ეგიდით ბილბაოს “ატლეტიკთან” გასამართ მატჩში და “ლეგიასთან” გასამართ ზედიზედ ორ მატჩში ვერ დაეხმარება.