მაკგრეგორი: ” იტალიაზე ფიქრს ვერ ვწყვეტ, ყოველდღე ვლოცულობ მათთვის”

მსოფლიო კორონავირუსის (COVID-19) პანდემიას ებრძვის. განსაკუთრებით რთული სიტუაციაა იტალიაში, სადაც ყოველდღე ამ ვირუსს დაახლოებით 700 ადამიანი ეწირება. ამ ყოველივეს კონორ მაკგრეგორი გამოეხმაურა.

“იტალიაზე ფიქრს ვერ ვწყვეტ. ყოველდღე ვლოცულობ ამ დიდებული ერისთვის, რომელმაც მსოფლიოს ძალიან ბევრი გასაოცარი რამ შესძინა. ეს ქვეყანა განსაკუთრებულია თავისი კულტურით და ხალხით, ისევე როგორც არქიტექტურითა და დიზაინით.

იტალიური სტილი! იტალიური სამზარეულო და ხელოვნება! სია ძალიან გრძელია. ღმერთო, გთხოვ, გადაარჩინე იტალია და მისი ხალხი,” – აცხადებს კონორ მაკგრეგორი.

სტატისტიკისთვის გეტყვით, რომ ამ დროისთვის კორონავირუსით 358 060 ადამიანი დაინფიცირდა, გარდაიცვალა 15 427 და გამოჯანმრთელდა 100 645.