მაკლიში: “ოქრიაშვილს მოურინიოს მსგავსი ადამიანი სჭირდება”
შოტლანდიის ეროვნული ნაკრებისა და “რეინჯერსის” ყოფილმა მთავარმა მწვრთნელმა, ალექს მაკლიშმა ბელგიური “გენკისა” და საქართველო ნაკრების ფეხბურთელზე, თორნიკე ოქრიაშვლზე ისაუბრა.
მოგეხსენებათ, მაკლიში გასული სეზონის განმავლობაში “გენკს” წვრთნიდა და ცხადია, ის ოქრიაშვილს იცნობს.
“თორნიკეს ყურადღება უნდა მივაქციოთ. ის არის ფეხბურთელი, რომელიც მეტოქეს ბევრ პრობლემას უქმნის. ოქრიაშვილმა ევროპის ჩემპიონატის საკვალიფიკაციო ეტაპზე ირლანდიისა და გიბრალტარის ნაკრებებს გაუტანა.
თორნიკე ჯერ მხოლოდ 23 წლისაა და იმ შემთხვევაში, თუ ის დისციპლინას მეტ ყურადღებას დაუთმობს, მას წინ დიდი მომავალი აქვს. ყველანი ვხედავთ, როგორ განავითარა ჟოზე მოურინიომ ედენ აზარი, ამრიგად, იმისათვის, რომ ოქრიაშვილი დიდი ფეხბურთელი გახდეს, მას მოურინიოს მსგავსი ადამიანი სჭირდება”, – ციტირებს მაკლიშის სიტყვებს Daily Record-ი.
შეგახსენებთ, რომ 4 სექტემბერს საქართველოს ეროვნული ნაკრები საკუთარ მოედანზე შოტლანდიას უმასპინძლებს, მატჩის თბილისის დროით 20 საათზე დაიწყება.
