მამა: “ჰუმელსს რთული გადაწყვეტილების მიღება მოუწევს”

მატს ჰუმელსის მამის თქმით, დორტმუნდის “ბორუსიას” მცველს ზაფხულში რთული გადაწყვეტილების მიღება მოუწევს. მამამისის თქმით, დორტმუნდში გატარებული 7 წლის შემდეგ, მან შესაძლოა ეს კლუბი დატოვოს.

27 წლის ფეხბურთელის გადაბირებით ძლიერ დაინტერესებულები არიან ინგლისიდან : საუბარია “ლივერპულის”, “მანჩესტერ იუნაიტედისა” და “არსენალის” ინტერესზე. რაც შეეხება გერმანულ “ბაიერნს”, ბავარიელები ჰუმელსის გადაბირების ერთ-ერთი მთავარი ფავორიტები არიან.

“მატსს ცხოვრებაში უმნიშვნელოვანესი გადაწყვეტილების მიღება მოუწევს. “დორტმუნდი” ევროპის საუკეთესო კლუბების რიგებში დაბრუნდა, ასე რომ, მას გადაწყვეტილების მიღებას კიდევ უფრო გაუჭირდება.

თუ ის “დორტმუნდის” დატოვებას გადაწყვეტს, მაშინ მას არჩევანის გაკეთება იმ 5-6 ტოპ კლუბს შორის მოუწევს. რა თქმა უნდა, მათ შორის “ბაიერნიც” არის.”