“მანჩესტერ იუნაიტედი” ზინედინ ზიდანს დაუკავშირდა
ბრიტანულ პრესაში დილიდან ვრცელდება ცნობები, რომლის მიხედვითაც, “მანჩესტერ იუნაიტედის” ხელმძღვანელებმა ჟოზე მოურინიოს მთავარი მწვრთნელის პოსტიდან გათავისუფლება გადაწყვიტეს.
BeIn Sport სანდო წყაროზე დაყრდნობით იუწყება, რომ ბრიტანული გრანდი უკვე დაუკავშირდა ზინედინ ზიდანს, რომელიც ზაფხულის შემდეგ უსამსახუროდაა. ეს ყველაფერი კი მას შემდეგ მოხდა, რაც “წითელი ეშმაკუნები” “ვესტ ჰემთან” დამარცხდნენ (3-1).
გეტყვით იმასაც, რომ ფრანგი სპეციალისტი ამ დროისთვის ოჯახთან ერთად ლონდონში იმყოფება.
Sources close to @beINSPORTS are suggesting that Manchester United have had initial conversations with Zinedine Zidane! #beINPL #MUFC pic.twitter.com/2YfHsjYxTF
— beIN SPORTS (@beINSPORTS) September 29, 2018
მადრიდის “რეალის” ყოფილი მწვრთნელის “ოლდ ტრაფორდზე” დაბანაკების შანსებს ერთ-ერთი ყველაზე ცნობილი საბუკმეკერო კომპანია გასულ თვეში 5 კოეფიციენტთან აფასებდა.
