„მანჩესტერ იუნაიტედის“ ქომაგები მოიესის გათავისუფლების მიზნით თანხას აგროვებენ
თარიღი: მარტი 26, 2014
მანჩესტერულ დერბიში წუხელ განცდილი მარცხის (0:3) შემდეგ, „მანჩესტერ იუნაიტედის“ ქომაგებმა კლუბის მთავარი მწვრთნელის პოსტიდან დევიდ მოიესის გათავისუფლების მოთხოვნით ინტერნეტკამპანია ააგორეს.
საგულისხმოა, რომ ჰეშთეგი #MoyesOut ბრიტანულ „ტვიტერზე“ დღეს ერთ-ერთი ყველაზე პოპულარული იყო. ამ ჰეშთეგით გამოქვეყნებულ შეტყობინებებში „მანჩესტერ იუნაიტედისთვის“ ახალი თავკაცის მოსაძებნად და კლუბში მოსაწვევად თანხის შეგროვების ინიციატივითაც გამოვიდნენ.
გარდა ამისა, ქომაგებმა კლუბის ხელმძღვანელობას წერილიც მისწერეს, რომელშიც დაწვრილებით არის აღნუსხული დევიდ მოიესის მიერ გაწეული სამუშაოს ყველა ხარვეზი. აღნიშნული წერილის მეშვეობით გულშემატკივრები „მანჩესტერ იუნაიტედის“ ბოსებს სთხოვენ, რომ შოტლანდიელი სპეციალისტი დაუყოვნებლივ დაითხოვონ გუნდიდან.
ბექა დოგრაშვილი
მსგავსი სიახლეები