“მანჩესტერ იუნაიტედმა” “ევერტონის” ბარიერი ადვილად გაიარა (ვიდეო)

პრემიერ ლიგის 22-ე ტურში მერსესაიდს ერთ-ერთი ყველაზე პრინციპული მეტოქე, “მანჩესტერ იუნაიტედი” ეწვია. ოღონდ, ამჯერად “წითელი ეშმაკუნები” “ევერტონთან” იყვნენ სტუმრად.

მატჩი საკმაოდ სახალისო სანახავი გამოდგა და მომენტებითაც იყო დახუნძლული. თუმცა, ანგარიში მეორე ტაიმში, შეხვედრის 57-ე წუთზე გაიხსნა – თავი ანტონი მარსიალმა გამოიჩინა. თამაშის 81-ე წუთზე კი ლინგარდმა გაიტანა, პოგბამ კი რიგით მეორე საგოლე გადაცემა ჩაიწერა ამ მატჩში – 0:2.

ჟოზე მოურინიოს გუნდმა მორიგი სამი ქულა ჩაიწერა აქტივში და ახლა 47 ქულით მეორე პოზიციას იკავებს. “ევერტონი” კი 27 ქულით მეცხრეა. მომდევნო ტურში “იუნაიტედი” “სტოკს” მიიღებს, “ევერტონი” კი “ტოტენჰემს” ეწვევა.

“ევერტონი”: პიკფორდი; მარტინა, უილიამსი, კინი, ჰოლგეიტი; შნაიდერლინი, დეივისი; ბოლასი (ლენონი 62′), რუნი (მაკკარტი 62′), ვლაშიჩი; ნიასე

მთავარი მწვრთნელი: სემ ალარდაისი

“მანჩესტერ იუნაიტედი”: დე ხეა; ლინდელოფი, ჯონსი, როხო, შოუ; ჰერერა, მატიჩი; ხუან მატა (ტაუნზებე 92′), პოგბა, ლინგარდი (ბლინდი 87′); მარსიალი

მთავარი მწვრთნელი: ჟოზე მოურინიო