“მანჩესტერ იუნაიტედმა” პრემიერ ლიგა “ჩელსის” განადგურებით დაიწყო (ვიდეო)

პრემიერ ლიგის 2019/20 წლების სეზონის გახსინთი ტური “ოლდ ტრაფორდზე” “მანჩესტერ იუნაიტედისა” და ლონდონის “ჩელსის” დაპირისპირებამ დახურა. შეხვედრა “წითელი ეშმაკუნების” დამაჯერებელი გამარჯვებით დასრულდა.

შეხვედრის პირველი ნახევარი მეტწილად გარდამავალი უპირატესობით მიმდინარეობდა. შეხვედრის მე-18 წუთზე მეტოქის საჯარიმოში შესულ მარკუს რეშფორდზე “არისტოკრატთა” მცველები დაჯარიმდნენ. თერთმეტმეტრიანი თავად ინგლისელმა ფეხბურთელმა შეასრულა და ანგარიშიც გახსნა. პირველ ტაიმში მეტი გოლი არ გასულა.

მეორე ტაიმში დებიუტანტი ფრენკ ლამპარდის “ჩელსი” ვერაფერს აწყობდა “მანჩესტერ იუნაიტედის” ორგანიზებული თამაშის წინააღმდეგ. შედეგად “იუნაიტედისგან” კიდევ სამი გოლი მიიღეს – ჯერ ანტონი მარსიალმა შეძლო გატანა (65′), ორიოდ წუთში კი მარკუსმა დუბლი გაიფორმა. შეხვედრის საბოლოო ანგარიში კი ახალგაზრდა დანიელ ჯეიმსმა დააფიქსირა – 4:0.

ასე რომ, “მანჩესტერ სიტისა” და “ლივერპულის” მსგავსად “მანჩესტერ იუნაიტედმაც” დიდი გამარჯვებით დაიწყო ასპარეზობა.