“მანჩესტერ იუნაიტედმა” “სუონსისაც” გადაუარა (ვიდეო)

დღეს პრემიერ ლიგის მეორე ტურმა აიღო სტარტი.

სუონსიში, “ლიბერთი სთეიდიუმზე” ადგილობრივმა “სუონსიმ” “მანჩესტერ იუნაიტედი” მიიღო. შეხვედრაში ანგარიში პირველი ტაიმის ბოლო წუთზე გაიხსნა: მოწოდებული კუთხურის შემდეგ, პოლ პოგბამ თავით სცადა ბურთის კარში გადაგზავნა, ფაბიანსკიმ დარტყმული მოიგერია, თუმა ერიკ ბაილი დამატებაზე უზადო იყო და ანგარში გაიხსნა.

მეორე ნახევარში მასპინძლები გააქტიურდნენ, თუმცა – უშედეგოდ. მთავარი სპექტაკლი მე-80 წუთზე რომელუ ლუკაკუს გოლით დაიწყო. მან მხითარიანის პასით გაიტანა. ამის შემდეგ, ზუსტად ორ წუთში პოლ პოგბამაც გაიტანა თავისი ბურთი. ყველაფერს წერტილი კი ანტონი მარსიალმა 84-ე წუთზე დაუსვა.

საბოლოოდ, “მანჩესტერ იუნაიტედმა” ანგარიშით, 4-0 მოიგო. მას ექვსი ქულა აქვს და პირველ პოზიციაზეა. ხოლო, “სუონსი” ერთი ქულით მეთორმეტეზეა.