“მანჩესტერ იუნაიტედს”, დიდი ალბათობით, ზამთარში ერთი ნახევარმცველი დატოვებს
Daily Mail-ი იტყობინება, რომ პრემიერ ლიგის ბინადარი გუნდი – “ევერტონი” სერიოზულად არის დაინტერესებული “მანჩესტერ იუნაიტედის” ფეხბურთელით, მორგან შნეიდერლენით და მასთან უკვე მოლაპარაკებებს აწარმოებს.
ფრანგი ნახევამრველი “წითელი ეშმაკი” 2015 წლის ზაფხულზე გახდა. პირველ სეზონში 29 შეხვედრა ჩაატარა და, მთლიადან გუნდის წარუმატებელი ასპარეზობის ფონზე, ნორმალური შთაბეჭდილება დატოვა. თუმცა, ჟოზე მოურინიოს მოსვლის შემდეგ, მას, ფაქტობრივად, დრო საერთოდ არ ეძლევა. ინგლისის ჩემპიონატში 27 წლის ფეხბურთელმა სამი მატჩი ჩაატარა და არცერთი მათგანი არ დაუწყია სასტარტო შემადგენლობიდან.
წყარო იუწყება, რომ პორტუგალიელი მწვრთნელი თანახმაა, შნეიდერლენი “გუდისონ პარკზე” გაუშვას.
ტრანსფერის დეტალებს რაც შეეხება, “ევერტონის” ბოსები “მანჩესტერს” 24 მილიონ ფუნტს სთავაზობენ.
მოკლედ, დიდი ალბათობით, მორგან შნეიდერლენი იანვარში მესრესაიდულ კლუბში აღმოჩნდება.
