მანჩესტერელებმა თებერვლის თვის საუკეთესო მოთამაშედ რეშფორდი დაასახელეს
მარკუს რეშფორდი “მანჩესტერ იუნაიტედის” ფანებმა თებერვლის თვის საუკეთესო მოთამაშედ დაასახელეს, მიუხედავად იმისა, რომ ახალგაზრდა ფეხბურთელმა მხოლოდ 170 წუთი დაჰყო მოედანზე.
18 წლის ნიჭიერმა მარკუსმა პირველად თავის გამოჩენა “მიდტიულანდთან”, ევროპა ლიგის ეგიდით გამართულ მატჩში მოახერხა, სადაც მან დუბლი გაიფორმა. იმავე კვირას, რეშფორდმა “არსენალის” კარშიც მოახერხა 2 გოლის გატანა, რამაც მთელი მსოფლიო გააოცა.
Two games, four goals and a stunning impact from Marcus Rashford in February – he's the #mufc Player of the Month! pic.twitter.com/oZyDkiRD3m
— Manchester United (@ManUtd) March 3, 2016
აღსანიშნავია, რომ ამ პრიზისთვის ბრძოლაში მარკუსმა დაჯაბნა ისეთი ფეხბურთელები, როგორებიც არიან : ხუან მატა, რომელმაც თებერვლის თვეში 590 წუთი გაატარა მოედანზე, ლინგარდი (595 წუთი), ანდერ ერერა (351 წუთი), დე ხეა (360 წუთი) და ანტონი მარსიალი (420 წუთი).
