მანჩინი: კოვაჩიჩი “რეალში” გადადის

“ნერაძურის” მთავარი მწვრთნელი ახალგაზრდა ხორვატის წასვლას ადასტურებს.

როგორც Goal.com იტყობინება, “ინტერის” ხელმძღვანელობა მატეო კოვაჩიჩის გაშვების სანაცვლოდ მადრიდის “რეალისგან” 35 მილიონ ევროს მიიღებს, ხოლო თავად ფეხბურთელი კლუბთან ხუთწლიან ხელშეკრულებას გააფორმებს, რომლის მიხედვითაც მისი ყოველწლიური ანაზღაურება ოთხი მილიონი ევრო იქნება.

“არსებობს ფინანსური ფეირ-პლეი, რომელიც დაცული უნდა იყოს. ჩვენ რაიმე შეთანხმების ჩაშლის უფლება არ გვაქვს. მატეოს წასვლა არავის უნდოდა, მაგრამ სხვა გამოსავალი უბრალოდ არ არსებობს”, – განაცხადა რობერტო მანჩინიმ.

შეგასხენებთ, “ინტერმა” კოვაჩიჩი 2013 წლის იანვარში ზაგრების “დინამოდან” შეიძინა.