მანჩინი: “თავდასხმა უნდა გავაუმჯობესოთ”

იტალიელი სპეციალისტი მატჩის შემდეგ კომენტარს აკეთებს.

მოგეხსენებათ, იტალიის ჩემპიონატის მე-13 ტურში, “ინტერმა” საკუთარ მოედანზე “ფროზინონე” ანგარიშით 4-0 გაანადგურა.

“არსებობს სამი-ოთხი გუნდი, რომელიც ჩვენზე უკეთაა დაკომპლექტებული და სკუდეტოს მოპოვებისთვის იბრძვის. მოხარულნი ვართ, რომ წელს ჩემპიონობის შანსი გვექნება”, – აცხადებს რობერტო მანჩინი.

“შედეგით კმაყოფილნი ვართ, მაგრამ მისი მიღწევა ადვილი არ ყოფილა. განსაკუთრებით მიხარია ბიაბიანის გოლი. ის შესანიშნავი ფეხბურთელია, რომელსაც ჩვენი თამაშის გაუმჯობესება შეუძლია”.

“ყველამ კარგად ითამაშა. იკარდიმ და იოვეტიჩმა საერთო ენა გამონახეს. ასევე, მათ ლიაიჩიც დაეხმარა”, – დაასრულა “ნერაძურის” თავკაცმა.