მანჩინი: “ტურეს ერთ-ერთ საუკეთესო ფეხბურთელად ვთვლი და ვნახოთ, რა მოხდება მომავალში”

მილანის “ინტერის” მთავარმა მწვრთნელმა რობერტო მანჩინიმ კლუბის მხრიდან იაია ტურეს მიმართ დაინტერესებაზე კომენტარი გააკეთა.

“ტურესთან ერთად მიმუშავია და მას მსოფლიოს ერთ-ერთ საუკეთესო ფეხბურთელად მივიჩნევ, თუმცა ამ ეტაპზე ის “მანჩესტერ სიტიში” თამაშობს. ახლა ამ ტრანსფერის განხორციელება რთული იქნება, თუმცა ვნახოთ, რა მოხდება მომავალში”, – ციტირებს მანჩინის სიტყვებს Football-italia.

იტალიური წყაროების ცნობით, “ინტერმა” მთავარ სატრანსფერო მიზნად სწორედ იაია ტურე დაისახა. თავად კოტ დივუარელმა ნახევარმცველმა კი განაცხადა, რომ არ იცის, თუ რომელ გუნდში დაიწყებს მომავალ სეზონს.

იაია ტურეს “მანჩესტერ სიტისთან” მოქმედი შრომითი ხელშეკრულება 2017 წლის ივნისში ეწურება.