მანუელ ნოიერმა ტერ შტეგენთან არსებულ ურთიერთობაზე ისაუბრა

ბოლო წლების მანძილზე უცხოურ პრესაში საკმაოდ ხშირად იწერებოდა მანუელ ნოიერსა და ტერ შტეგენს შორის არსებული დაძაბული ურთიერთობის შესახებ, თუმცა “რეკორდმაისტერის” მეკარემ ყოველივე ეს უარყო.

“სინამდვილეში, უმეტესი ნაწილი ჟურნალისტების მიერ შეთხზული ამბავი იყო, მე მარკთან პრობლემა არასოდეს მქონია.

ჩვენ ნაკრებში ყოფნისას ერთად ვვარჯიშობთ, თუმცა ერთმანეთს ნამდვილად არ ვეკონტაქტებით, როდესაც ის “ბარსელონაშია”, ხოლო მე “ბაიერნში” ვარ. ჩვენ ერთმანეთს უბრალოდ წარმატებებს ვუსურვებთ.

საუზმისას ერთად ვსხედვართ, ნორმალური დიალოგი გვაქვს, როგორც თანაგუნდელებს და არა როგორც კონკურენტებს. თითოეული ჩვენგანი ცდილობს იმის დამტკიცებას, რომ გუნდისთვის საუკეთესო ვარიანტს წარმოადგენს, რაც მნიშვნელოვანია,” – აცხადებს მანუელ ნოიერი.