მარადონა სანქტ-პეტერბურგში სექსუალურ სკანდალში გაეხვა

რუსეთში მყოფი დიეგო მარადონა სექსუალურ სკანდალში გაეხვა.

პეტერბურგის მცხოვრები არგენტინელ ფეხბურთელს სექსუალურ ძალადობაში ადანაშაულებს. გოგონას თქმით, ის მარადონას სასტუმროში ცნობილ ფეხბურთელთან და რამდენიმე ქალბატონთან ერთად ეწვია. შეკრებილებმა ალკოჰოლი მიიღეს, ნახევარი საათის შემდეგ კი ნომერში ხმაური ატყდა. გოგონა ამბობს, რომ მარადონა მისთვის კაბის გახდას ცდილობდა. არგენტინელი ფეხბურთელის დაცვის წევრებმა მას ოთახის დატოვება შესთავაზეს, თუმცა საბოლოოდ, იგი ნომრიდან სასტუმროს დაცვის თანამშრომლებმა გაიყვანეს. გოგონა ჩივის და ამბობს, რომ მარადონამ მას ბოდიში უნდა მოუხადოს. როგორც ირკვევა, იგი არგენტინელს ჟურნალისტად გაეცნო და მისგან ინტერვიუს აღება უნდოდა.