მარადონა: “ტევესთან ჩინეთში წასვლის გამო პრეტენზიები არ მაქვს”

ლეგენდარულმა არგენტინელმა ფეხბურთელმა დიეგო მარადონამ კარლოს ტევესის გადაწყვეტილების შესახებ ისაუბრა. შეგახსენებთ, რომ ტევესი “ბოკა ხუნიორსიდან” ჩინურ “შანხაი შენჰუაში” გადაბარგდა და მსოფლიოს ყველაზე მაღალანაზღაურებად მოთამაშედ იქცა. 33 წლის არგენტინელი ფეხბურთელის წლიური ჯამაგირი 60 მილიონ ევროს უტოლდება.

“ტევესმა გააკეთა ის, რაც უნდა გაეკეთებინა. ჩვენ, “ბოკა ხუნიორსის” ფანებმა მას მადლობა უნდა გადავუხადოთ კლუბში დაბრუნებისთვის, მაგრამ ახლა იგი ჩინეთში გადაბარგდა. მან ჩინეთიდან ფანტასტიური შემოთავაზება მიიღო და ამიტომ, ტევესთან პრეტენზიები ვერ მექნება”, – ციტირებს მარადონას სიტყვებს არგენტინული გამოცემა “ოლე”.