მარადონამ ქველმოქმედების მიზნით 1986 წლის მუნდიალის მაისური გაყიდა

ლეგენდარულმა არგენტინელმა ფეხბურთელმა დიეგო არმანდო მარადონამ ის მაისური გაყიდა, რომლითაც 1986 წლის მსოფლიოს ჩემპიონატზე თამაშობდა.

რეალიზაციიდან მიღებული თანხა კორონავირუსის წინააღმდეგ ბრძოლას მოხმარდება. კერძოდ, არგენტინის ერთ-ერთი ღარიბი რაიონისთვის შეძენილია 90 კგ საკვები, ვირუსისგან თავდასაცავად კი – პირბადეები და ანტისეპტიკური ხსნარი.

შეგახსენებთ, რომ 1986 წლის მსოფლიოს ჩემპიონატის ფინალურ მატჩში არგენტინის ეროვნულმა გუნდმა გფრ-ის ნაკრები ანგარიშით 3:2 დაამარცხა.