მარკიზიოს “იუვენტუსში” იურგენ კლოპის ხილვა სურს

ტურინის “იუვენტუსის” მთავარი მწვრთნელის, მასიმილიანო ალეგრის, მომავალი ჯერ კიდევ ბურუსითაა მოცული. ტურინელთა ყოფილ ნახევარმცველს კითხვა ალეგრის სავარაუდო შემცვლელის შესახებ დაუსვეს.

კითხვას, თუ რომელი სპეციალისტის ხილვა სურდა მასიმილიანო ალეგრის წასვლის შემთხვევაში, მარკიზიომ ასე უპასუხა: “ვფიქრობ, იურგენ კლოპი იდეალური ვარიანტი იქნებოდა.

ძალიან მომწონს მისი თამაშის სტილი. მისი ფილოსოფია სიკვდილის ბოლომდე ბრძოლაა, რაც ძალიან მხიბლავს. მჯერა, რომ კლოპი იტალიურ ფეხბურთში დიდ წარმატებებს მიაღწევს.

თუმცა, თუ ალეგრი დარჩება, არც ამის საწინააღმდეგო მექნება რამე, რადგანაც ის არის სპეციალისტი, რომელიც ყოველთვის იგებს,” – აცხადებს მარკიზიო, რომელიც “იუვენტუსიდან” “ზენიტში” გადაბარგდა.