ალონსო: “არ მესმის, რატომ უნდა უნდოდეს ვინმეს “ჩელსიდან” “ბაიერნში” გადასვლა”

ლონდონის “ჩელსის” მცველმა, მარკოს ალონსომ, “არისტოკრატთა” ახალგაზრდა ფეხბურთელზე, კალუმ ჰადსონ-ოდოიზე ისაუბრა, რომლის გადაბირებითაც მიუნხენის “ბაიერნია” დაინტერესებული.

“კალუმი ძალიან ნიჭიერი ფეხბურთელია, თუმცაღა ჯერ ახალგაზრდაა. ამ მომენტში მას სიმშვიდის შენარჩუნება მართებს, წინსვლის წყურვილი მას დიდი წარმატებებისკენ უბიძგებს.

მან საკუთარი ადგილისთვის უნდა იბრძოლოს, სულ ეს არის. მას ყველაფერი აქვს იმისათვის, რომ საუკეთესო გახდეს. მოედანზე გასვლისთვის ყოველდღე თავდაუზოგავად უნდა იმუშავოს.

მიუნხენის “ბაიერნი”? ჩვენ “ჩელსის” ფეხბურთელები ვართ, კიდევ ერთი დიდებული კლუბის. პრემიერ ლიგა კი ყველაზე კონკურენტუნარიანი ჩემპიონატია მსოფლიოში. არ მესმის, რატომ უნდა უნდოდეს ვინმეს “ჩელსიდან” “ბაიერნში” გადასვლა,” – ვციტირებთ ესპანელი მცველის სიტყვებს.