მარკოს როხომ პრემიერ ლიგის კუმირი დაასახელა
“მანჩესტერ იუნაიტედის” მცველმა, მარკოს როხომ მისი თანამემამულე, ხუან სებასტიან ვერონი პრემიერ ლიგის იმ ფეხბურთელად დაასახელა, რომელიც ბავშვობაში ყველაზე მეტად მოსწონდა.
ცნობისთვის გეტყვით, რომ არგენტინელები ერთმანეთის მხარდამხარ სამი წლის მანძილზე, “ესტუდიანტესის” რიგებში თამაშობდნენ, სანამ როხო მოსკოვის “სპარტაკში” (2011 წელს), შემდეგ კი “მანჩესტერში” არ გადავიდოდა 16 მილიონი ფუნტის სანაცვლოდ (2014-ში).
კითხვაზე, თუ ვინ იყო ბავშვობაში მისი პრემიერ ლიგის კუმირი, როხომ განაცხადა: “მე ყოველთვის ვაკვირდებოდი და ვბაძავდი ვერონს. ჩვენ საერთო საკმაოდ ბევრი გვაქვს, “ესტუდიანტესშიც” ვთამაშობდით და შემდეგ ორივემ “იუნაიტედში” ამოვყავით თავი.
ის ერთ-ერთია დიდებულ ფეხბურთელთა შორის. როდესაც არგენტინაში ვცხოვრობდი, მის თამაშებს რეგულარულად ვადევნებდი თავს.” – განაცხადა 26 წლის მარკოს როხომ.
