“მარსელმა” კვლავ წააგო

“მარსელმა” კვლავ წააგო, ამჯერად დორტმუნდის “ბორუსიას” წინააღმდეგ ანგარიშით 3-0.

“სიგნალ იდუნა პარკზე” გამართულ უეფას ჩემპიონთა ლიგის მეორე ტურის ერთ-ერთ შეხვედრაში, გერმანელებმა ფრანგებს უმასპინძლეს. პირველი გოლი მატჩის 19-ე წუთზე გავიდა. ბრწყინვალე კომბინაციის გათამაშების შემდეგ, რობერტ ლევანდოვსკის ანგარიშის გახსნა აღარ გაჭირვებია.
52-ე წუთზე მარკო როისმა ფანტასტიკური ბურთი გაიტანა. მან საკმაოდ შორი მანძილიდან ჯარიმის ზუსტად შესრულება და ანგარიშის ორამდე გაზრდა შეძლო.
წერტილი კი ამ შეხვედრას პოლონელმა თავდამსხმელმა 79-ე წუთზე დაუსვა. ლევანდოვსკიმ თერთმეტმეტრიანით ისარგებლა და დუბლი გაიფორმა.
“ბორუსიას” კი მეორე ტურში სამი ქულა დაუგროვდა.

“ბორუსია” 3-0 “მარსელი”

გოლები: ლევანდოვსკი 19, 79, როისი 52.

“ბორუსია”: ლანგერაკი, ჰუმელსი, სუბოტიჩი, ბენდერი, დურმი, ნური შაჰინი, გროსკროიცი, როისი (ჰოფმანი 82), მხითარიანი (პაპასტატოპულოსი 88), ობამეიანგი (ბლაშიკოვსკი 71), ლევანდოვსკი.

“მარსელი”: მანდანდა, ნკულუ, მენდესი, ფანი, იმბულა, მენდი, ხალიფა (თაუვინი 81), რომაო, ვალბუენა (ჯ.აიუ 81), პაიე, აიუ.

გაფრთხილებები: სუბოტიჩი, ბენდერი – ნკულუ, რომაო, ფანი.

სანდრო საპანაძე