მარსელო: “1/4 ფინალში თამაში პრაქტიკულად გარანტირებული გვაქვს”

მადრიდის “რეალის” მცველმა მარსელომ “შალკესთან” შემდგარი დაპირისპირება შეაფასა.

“შესანიშნავი რეზულტატია. რა თქმა უდნა, 1/4 ფინალში თამაში პრაქტიკულად გარანტირებული გვაქვს, მაგრამ “შალკეს” დიდ პატივს ვცემთ და ნაადრევად ზეიმს არ ვაპირებთ. განმეორებით მატჩშიც ბოლომდე უნდა დავიხარჯოთ.

რაც შეიძლება მეტი გოლის გატანას ვცდილობდით, საპასუხო მატჩის წინ დიდი ფორის შესაქმნელად. მთლიანობაში ძალიან კარგი შეხვედრა გამოგვივიდა. “შალკე” ნამდვილად ძლიერი გუნდია. გერმანელები ამას განმეორებით შეხვედრაში აუცილებლად აჩვენებენ. მიუხედავად დიდი ანგარიშისა, თამაშის ხარისხით ბოლომდე კმაყოფილები მაინც არ ვართ” – განაცხადა მარსელომ.

შეგახსენებთ, რომ მადრიდის “რეალმ” გელზენკირხენში 6:1 მოიგო. დუბლები რონალდუმ, ბენზემამ და ბეილმა გაიფორმეს. “შალკეს” მხრიდან ბოლო წუთზე პრესტიჟის გოლი კლაას იან ჰუნტელაარმა გაიტანა