მარსელომ “იუვენტუსთან” დაკავშირებულ კითხვას უპასუხა

მადრიდის “რეალის” ერთ-ერთმა ლიდერმა მარსელომ პრესასთან საუბრისას “იუვენტუსში” შესაძლო ტრანსფერთან დაკავშირებით დასმულ კითხვას უპასუხა.

“ამ დროისთვის “იუვენტუსისგან” არანაირი წინადადება არ მიმიღია. “რეალთან” კონტრაქტი მაკავშირებს და როდესაც “რეალის” გერბზე მივუთითე, ეს იმას ნიშნავდა, რომ ჩვენ ვართ კლუბი, რომელიც ყოველთვის ბრუნდება

სულ ეს არის, მეტს ვერაფერს გეტყვით – წინადადებები არ მიმიღია. არაერთხელ მითქვამს, რომ ჩემზე დიდი “მადრიდისტა” არავინაა. გინდათ, რომ რაიმე მათქმევინოთ, მაგრამ ჩემგან ვერაფერს მიიღებთ,” – აცხადებს ბრაზილიელი მცველი.

შეგახსენებთ, რომ რამდენიმე დღის წინ Marca ირწმუნებოდა, რომ მარსელომ ფლორენტინო პერესთან საუბრისას აღიარა, რომ კრიშტიანუ რონალდუს გვერდით თამაში სურდა და მზად იყო კლუბიდან წასასვლელად.