მარტინესი: “ვიცი რაც არის ფანების უკმაყოფილების მიზეზი”
რობერტო მარტინესის თქმით, მას ესმის “ევერტონის” ფანების და იცის, თუ რა განაპირობებს მათ უკმაყოფილებას, რაც პრემიერ ლიგის გასულ მატჩში ბანერით გამოიხატა, სადაც მარტინესს წასვლისკენ მოუწოდებდნენ.
“ეს სამსახურის თანმხლები რამ არის. მოსვლის პირველივე დღიდან, მე ამაყი ვარ, რომ ამ კლუბთან მიწევს თანამშრომლობა და მესმის, რომ ფანები ამ შედეგებით კმაყოფილები ვერ იქნებიან.
მთავარი კი არის ის, რომ ფანები ყოველთვის უჭერენ მხარს გუნდს, ყოველთვის და ყველანაირი გზით, რაც მატჩების მოგებაში გვეხმარება – და ეს არის ერთადერთი რამ, რასაც მნიშვნელობა აქვს.
მათ იციან, რომ სიცოცხლესაც კი გავიღებდი, ოღონდ ისეთი გუნდი დამეყენებინა, რომელიც მოგებას შეძლევდა. ჩვენი თითოეული გამარჯვება მათ აამაყებთ.
ფეხბურთი ემოციური თამაშია, არავისგან არ ველი აპლოდისმენტებს, განსაკუთრებით კი სამი მატჩის წაგების შემდებ. რამოდენიმე ბანერი დავინახე. ყველაფერი მესმის.”
