მატჩის შემდეგ გამართული პრესკონფერენცია ზესტაფონში
რუსთავის ”მეტალურგთან” გუშინ მოგებული მატჩის დასრულების შემდეგ დავით აბაშიძის სახელობის სტადიონის საკონფერენციო დარბაზში გაიმართა პრეს-კონფერენცია, რომელშიც, ზესტაფონელთა და რუსთაველთა მთავარი მწვრთნელების გარდა, მონაწილეობა იმერული კლუბის გენერალურმა დირექტორმა მიხეილ ხუციშვილმაც მიიღო.
იმერული კლუბის გენერალურმა დირექტორმა პრესკონფერენციაზე მყოფ ჟურნალისტებს კლუბში შექმნილი კატასტროფული ფინანსური მდგომარეობა გააცნო და ამცნო იმის შესახებ, რომ ორშაბათს, მუნიციპალიტეტის გამგეობის მხრიდან დაპირებული დაფინანსების გამოყოფის ისევ გადავადების შემთხვევაში, გუნდი ვეღარ მოახერხებს სავარჯიშო პროცესის გაგრძელებას და ვერც მომდევნო ტურში ითამაშებს.
გთავაზობთ გუშინდელი პრეს-კონფერენციის სრულ ვიდეოჩანაწერსა და ტელეკომპანია “მაესტროს” ეთერში გასულ სიუჟეტს, რომელიც ზესტაფონელთათვის ესოდენ მნიშვნელოვან თემას ეხება.
FCZestafoni.GE
