მატერაცი: “იუვენტუსისთვის” ჩემპიონთა ლიგაზე წარუმატებლობა ჩავარდნის ტოლფასი იქნება”
იტალიის საფეხბურთო ნაკრების ყოფილი მცველი, მარკო მატერაცი, მიიჩნევს, რომ ტურინის “იუვენტუსისთვის” მიმდინარე სეზონის მთავარი მიზანი ჩემპიონთა ლიგის მოგება უნდა იყოს.
“იუვენტუსი” უფრო და უფრო ძლიერდება და ამავდროულად იზრდება მათი სურვილი, მოიგონ ჩემპიონთა ლიგა. როდესაც იტალიაში ყველაფერს იგებ, ვალდებული ხარ წინ წაიწიო და ევროპაში დაამტკიცო შენი შესაძლებლობები.
წელს კლუბმა ევროპის მასშტაბით უბადლო ფეხბურთელი [კრიშტიანუ რონალდუ] დაიმატა. იტალიაში “იუვენტუსს” ჩემპიონობაში ვერავინ შეეცილება, თუმცა თუ მიმდინარე სეზონში ჩემპიონთა ლიგას ვერ მოიგებენ, ეს მათთვის ჩავარდნის ტოლფასი იქნება.
როდესაც გუნდში მსოფლიოს ერთ-ერთი საუკეთესო ფეხბურთელი გყავს, ბუნებრივია, რომ ხალხი ამ ტიტულს ელოდეს. თუ მოიგებენ, მათ მთელი გულით მივულოცავ, როგორც იტალიელი. მაგრამ ნუ მთხოვთ, რომ “იუვეს” ვუგულშემატკივრო,” – აცხადებს მატერაცი.
შეგახსენებთ, რომ ჩემპიონთა ლიგის მერვედფინალურ ეტაპზე ტურინელთა მეტოქე მადრიდის “ატლეტიკოა”.
