მაურისიო პოჩეტინო: “ეს მოგება სამ ქულაზე მეტია”
ლონდონის “ტოტენჰემის” მთავარმა მწვრთნელმა, მაურისიო პოჩეტინომ დორტმუნდის “ბორუსიასთან” მოგებული მატჩის (3-1) შემდეგ პრესასთან ამ გამარჯვების მნიშვნელობას გაუსვა ხაზი.
“ამ მატჩში გამარჯვების მოპოვება ძალიან მნიშვნელოვანი იყო, ბედნიერები ვართ. დორტმუნდელები ძალიან კარგად თამაშობდნენ და პირველ მატჩში სადავეები სწორედ მათ ხელთ იყო, მაგრამ მეორე ნახევარში მოვუმატეთ და გარდამტეხ მომენტში მათზე უკეთესები აღმოვჩნდით.
ეს გამარჯვება სამ ქულაზე მეტს უდრის. მართალია, გარკვეული პრობლემები შეიმჩნეოდა, მაგრამ მათი გამოსწორება შესვენებაზევე მოვახერხეთ და შედეგიც მოვიდა.
“ბორუსიამ” საკმაოდ აგრესიული ფეხბურთი შემოგვთავაზა, მაგრამ ამისთვისაც მზად ვიყავით. ყოველთვის პირველ ნომრად ვერ ითამაშებ. ამ მატჩიდან ბევრი რამის სწავლა შეგვიძლია. რაც შეეხება ჰარი კეინს,ის მართლაც რომ ფანტასტიკური იყო,” – აცხადებს არგენტინელი სპეციალისტი.
