მბაპე და “რეალი” შეთანხმდნენ

ცნობილი იტალიელი ჟურნალისტი ფაბრიციო რომანო იუწყება, რომ “პარი სენ-ჟერმენის” თავდამსხმელი კილიან მბაპე და მადრიდის “რეალი” კონტრაქტზე უკვე შეთანხმდნენ, თუმცა ეს მხოლოდ ზეპირი შეთანხმებაა და მხარეებს ჯერ არავითარი დოკუმენტი არ გაუფორმებიათ.

წყაროს ცნობით, მადრიდული კლუბი 23 წლის ფრანგ ფეხბურთელს ხუთწლიან შრომით ხელშეკრულებას შესთავაზებს. “სამეფო კლუბში” გადასვლის შემდეგ მბაპე მსოფლიოს ყველაზე მაღალანაზღაურებადი მოთამაშე გახდება.

“პარი სენ-ჟერმენსა” და კილიან მბაპეს შორის გაფორმებულ კონტრაქტს ვადა მიმდინარე სეზონის ბოლოს ეწურება. ფრანგი ფორვარდი პარიზული კლუბის ღირსებას 2017 წლიდან იცავს. ამ პერიოდის განმავლობაში ის სამ-სამჯერ გახდა საფრანგეთის ჩემპიონი და ქვეყნის თასის მფლობელი.