მბაპე: “რამდენჯერაც ჩავთვალე, რომ მარტო შევძლებდი გამარჯვებას, დავმარცხდი”

“პარი სენ-ჟერმენის” ფრანგმა სუპერვარსკვლავმა, კილიან მბაპემ, რომელსაც ფანები ხშირად ეგოიზმში ადანაშაულებენ, პრესასთან საუბრისას რამდენიმე საინტერესო საკითხი განიხილა.

“რთულია თქვა, რომ ბოსი ხარ, როდესაც გუნდში ნეიმარი და მესი გყავს. ვიცი, რომ კარგ ფორმაში ვარ, მაგრამ ჩვენ არ გვაინტერესებს, თუ ვინ არის ბოსი. ჩვენი მიზანი სამივე ჩვენგანისგან მაქსიმუმის მიღებაა.

ჩემ თავს ვუთხარი, რომ როდესაც საუკეთესოობისთვის იბრძვი, გოლებსა და საგოლე გადაცემებს შორის არჩევანი არ უნდა გააკეთო. მე ჩემპიონატისა და ჩემპიონთა ლიგის საუკეთესო ასისტენტი ვარ. ეს ადასტურებს იმ ფაქტს, რომ ეგოისტი არ ვარ.

ოქროს ბურთის მოგება ძალიან მინდოდა, მაგრამ როდესაც გუნდთან ერთად მნიშვნელოვან ტიტულებს იგებ, აანალიზებ, რომ ეს უფრო მეტს ნიშნავს შენთვის. რამდენჯერაც ჩავთვალე, რომ მარტო შევძლებდი გამარჯვებას, დავმარცხდი,” – აცხადებს მბაპე.