მბაპე: საუკეთესო ფეხბურთელი, ვის წინააღმდეგაც წელს ვითამაშე?

ფრანგული “პარი სენ-ჟერმენის” სუპერვარსკვლავმა, კილიან მბაპემ, რომელიც წლის საუკეთესო ახალგაზრდა ფეხბურთელად დასახელდა, ლონდონის “ჩელსის” ბელგიელ ნახევარმცველ ედენ აზარზე ისაუბრა.

“ედენ აზარი საუკეთესოა, ვის წინააღმდეგაც წელს ვითამაშე. მისმა თამაშმა ყველაზე მეტად მომხიბლა.

საფრანგეთსა და ბელგიას შორის გამართულ მატჩში მან დაამტკიცა, თუ რამდენად ძლიერია. მისი ინდვიდუალიზმი უბრალოდ ფანტასტიკურია და რაც მთავარია, როცა საჭირო იყო, მაშინვე პასს აკეთებდა დაუფიქრებლად.

მისგან დაახლოებით ხუთი მეტრის მოშორებით ვთამაშობდი და ვაკვირდებოდი, თუ რამდენად სწრაფად მოძრაობდა ის. ერთი შეხედვით, გეგონებოდა, რომ ბურთი ფეხზე ჰქონდა მიწებებული. თამაშისას თავი მუდამ აწეული ჰქონდა, სივრცეებს ეძებდა პასისათვის. ბრწყინვალე თამაში იყო,” – აცხადებს მბაპე.