მეკარეებმა მუნდიალის ბურთი დაიწუნეს: “მინიმუმ 35 გოლი გავა შორეული დარტყმებით”

მსოფლიო ჩემპიონატი უკვე კარს მოგვადგა და მზადებაც დასასრულს უახლოვდება. ბოლო ამხანაგურ შემთხვევებში მუნდიალის ბურთიც გამოსცადეს, თუმცაღა შედეგები არც ისე სახარბიელო მიიღეს.

დე ხეამ ახალი ბურთი (Telstar 2018) გერმანიასთან ჩატარებული ამხანაგური მატჩის შემდეგ გააკრიტიკა: “ძალიან უჩვეულო ბურთია. ნამდვილად შეეძლოთ უკეთესის გაკეთება”.

დე ხეას მხარი პეპე რეინამაც აუბა: “დაგენიძლავებით, რომ შორი დისტანციიდან მინიმუმ 35 გოლი მაინც გავა რუსეთში გასამართ მუნდიალზე.

ამ ბურთის დამუშავება წარმოუდგენლად რთულია – უჩვეულო მასალით არის დაფარული და მისი დამორჩილება მეკარეებს ძალიან გაუჭირდებათ, ამაში ეჭვი არ შეგეპაროთ.”

ბურთი ტერ შტეგენმაც შეაფასა: “შეეძლოთ, უკეთესის გაკეთებაც. ძალიან ბევრი მუშაობა დაგვჭირდება, რომ ახალ პირობებს შევეგუოთ – რადგანაც სხვა გზა პრაქტიკულად არ გაგვაჩნია.”