მეორე ფრე თურქულ შეკრებაზე
“საბურთალო” პირველი ლიგის ბინადარ ურალის “აკჟაიკს” დაუპირისპირდა. მატჩი გატანილი გოლების გარეშე მორჩა – 0:0.
გეცოდინებათ, რომ წესითა და რიგით დღეს ჩვენს გუნდს უმაღლეს-ლიგელ “ატირაუსთან” უნდა ეთამაშა, თუმცა ყაზახებმა თამაშის დაწყებამდე რამდენიმე საათით ადრე სიტყვა გატეხეს და მათთან ამხანაგური დაპირისპირების ჩატარება ვეღარ მოხერხდა. შეკრებებზე შესაძლოა ხდება მსგავსი მოულოდნელობები, თუმცა ატირაუელთა მხრიდან, რბილად რომ ვთქვათ, არაკორექტული ნაბიჯი იყო.
რაც შეეხება დღევანდელ მოწინააღმდეგეს – “აკჟაიკი” უძლიერესთა რიგებში ასპარეზობდა, მაგრამ 2013-2014 წლების სეზონზე პირველი ლიგის ბინადარია. პირველი ტაიმი თანაბარი შეხვედრა იყო, თუმცა საწყისმა 45 წუთმა მომენტების გარეშე ჩაიარა. აი, მეორე ნახევარში კი ჩვენმა გუნდმა 4-5 რეალური საგოლე მომენტი ვერ გამოიყენა. აქტიურად ჩაერთო მატჩშიგიორგი ხორხელი, რომელმაც გაამწვავა თამაში. ჯერ მარტო ორჯერ სწორედ მას მიეცა გოლის გატანის შანსი. ანგარიშის გახსნის საშუალება ჩაბრაძესაცჰქონდა, მაგრამ პირისპირ გასულმა მეკარეს ვერ აჯობა… ერთ-ერთ ეპიზოდში კი გოშთელიანმა ვერ ისარგებლა რეალური მომენტით.
დღევანდელ შეხვედრაში არ უთამაშიათ ზურა მენთეშაშვილსა და ჯიმი ტაბიძეს. ამ უკანასკნელს ხელის მცირე ტრავმა აქვს, ხოლო მენთეშაშვილს ფეხი აწუხებს.
როგორც წინასწარაა დაგეგმილი, მომდევნო შეხვედრას ჩვენი გუნდი 15 თებერვალს უკრაინის “ალექსანდრიასთან” გამართავს.
“საბურთალომ” დღეს შემდეგი შემადგენლობით დაიწყო თამაში:
კუპატაძე, ბარამიძე, მარგველაშვილი, ჩომახიძე, თევზაძე, მამუჩაშვილი, ხარაიშვილი, მამუჩიშვილი, ლორენცო, წოწონავა, გოცირიძე.
ცვლილებაზე ყველა ფეხბურთელი შევიდა.
fcsaburtalo.ge