მექსიკურმა კლუბმა კრიშტიანუ რონალდუს ტრანსფერი გამოაცხადა

მექსიკურმა საფეხბურთო კლუბმა “ტლასკალამ” სოციალურ ქსელში საკუთარ მიკრობლოგზე კრიშტიანუ რონალდუს ტრანსფერი გამოაცხადა. ეს ინფორმაცია, რა თქმა უნდა, სიმართლეს არ შეესაბამება.

“ხედავ, როგორ მოგიხდებოდა “კოიოტთა” (კლუბის მეტსახელია) ფორმა, ჩემო მეთაურო კრიშტიანუ რონალდუ? თქვი “იუვენტუსში”, რომ ჩვენს სატელეფონო ზარებს უპასუხონ”, – წერია მექსიკური კლუბის ოფიციალურ მიკრობლოგზე გამოქვეყნებულ ტვიტში.

ცნობისთვის, “ტლასკალა” მექსიკის ჩემპიონატის რანგით მესამე დივიზიონში ასპარეზობს.

¡Seguimos esperando que @juventusfces nos conteste el teléfono! ¡Pero ya reconocen el interés en la prensa internacional! 🔴⚫ #TlaxcaltecaSoy | #MásCoyoteQueNunca | #VamosCoyotes | #LigaExpansiónMX | #TlaxcalaSíExiste https://t.co/KZ3xE7sHFE

— Tlaxcala F.C. (Desde 🏡) (@Coyotes_Oficial) August 11, 2020