მერსისაიდული დერბი “ლივერპულის” დამაჯერებელი გამარჯვებით დასრულდა (ვიდეო)
დღეს ინგლისის პრემიერლიგის 27-ე ტურის გადადებული მატჩები გაიმართა: “ლივერპულმა” “ენფილდზე” თანაქალაქელი “ევერტონი” მიიღო. პირველი ტაიმის ბოლოს “წითლებმა” ერთბაშად ორი გოლი გაიტანეს: თავი დივოკ ორიგიმ და მამადუ სახომ გამოიჩინეს. მატჩის მეორე ნახევარში იურგენ კლოპის გუნდმა კიდევ ორი ბურთი გაიტანა: “წითლების” უპირატესობა დანიელ სტარიჯმა და ფილიპე კოუტინიომ გაზარდეს. აღსანიშნავია, რომ შეხვედრის 50-ე წუთიდან “კანფეტები” მოედანზე რიცხობრივ უმცირესობაში იყვნენ, ვინაიდან უხეში თამასისთვის მოედნიდან რამირო მორი გააძევეს. ამ ეპიზოდში ორიგი მინდვრიდან საკაცით გაიყვანეს. ბელგიელმა თამასის გაგრძელება ვეღარ შეძლო.
საბოლოო ჯამში, “ლივერპულმა” მეტოქე ანგარიშით 4:0 დაამარცხა.
ინგლისის პრემიერლიგა
27-ე ტური
“ლივერპული” — “ევერტონი” 4:0 (2:0)
გოლები: ორიგი 43′, სახო 45+2′, სტარიჯი 61′, კოუტინიო 76′.
გაფრთხილებები: მილნერი 8′ — ლენონი 42′.
გაძევება: მორი 50′.
