მერტენსმა “ნაპოლის” გამო “იუვენტუსს” უარი უთხრა

ტურინის “იუვენტუსმა თავისუფალი აგენტის სტატუსის მქონე დრის მერტნესს ორწლიანი კონტრაქტი და წლიურად ხელფასის სახით ხუთი მილიონი ევრო შესთავაზა.

35 წლის ბელგიელმა ფეხბურთელმა “ნაპოლისადმი” პატივისცემის გამო “ბებერი სინიორას” შეთავაზებაზე უარი თქვა.

დრის მერტენსს “ნაპოლისთან” შრომითი ხელშეკრულება 2021-2022 წლების სეზონის ბოლოს ამოეწურა. ის დღესდღეობით თავისუფალი აგენტის სტატუსით სარგებლობს. ფეხბურთელი იტალიური გუნდის ღირსებას 2013 წლიდან იცავდა. მან ამ პერიოდის განმავლობაში 397 მატჩი ჩაატარა, 148 გოლი გაიტანა და 90 შედეგიანი გადაცემა მიითვალა. მერტენსი “ნაპოლის” ისტორიაში საუკეთესო ბომბარდირია.