მესი “ბარსელონაში” დაბრუნდება? “პსჟ”, ამერიკა

34 წლის ლეო მესის “პსჟ”-ში ჯერ მისი პირველი სეზონი არ ჩაუმთავრებია, ჟურნალისტები კარიერის გაგრძელების სამ ვარიანტზე უკვე წერენ.

პრაქტიკულად გადაწყვეტილია, რომ არგენტინელი კიდევ 1 სეზონი “პსჟ”-ში დარჩება, როგორც ეს კონტრაქტით არის გათვალისწინებული. ამის შემდეგ კი ან “ბარსელონაში” დაბრუნდება ან ამერიკაში წავა.

ესპანელი ჟურნალისტის, ტონი ხუანმარტის ინფორმაციით, “ბარსამ” გამორიცხა მესის დაბრუნება 2022 წელს, თუცმა გუნდს 2023 წელს უკვე შეეძლება მისი დამატება.

არ არის გამორიცხული, ლეოს “ბლაუგრანაში” დაბრუნება სიმბოლური იყოს, მცირე ხელფასზეც დათანხმდეს 1 სეზონით და შემდეგ MLS-ში წავიდეს.

ხოან ლაპორტა სხვადასხვა სასპონსორო კონტრაქტებს ამზადებს და შესაძლოა, ერთ წელიწადში კლუბის ფინანსური მდგომარეობა მნიშვნელოვნად გაუმჯობესდეს.

ლეგენდა 24 ივნისს 35 წლის გახდება.