მესი რონალდუსთან მეტოქეობაზე: “არ ვცდილობ, საუკეთესო ვიყო”

საიდუმლო არავისთვის არაა, რომ თანამედროვე ფეხბურთის ერთ-ერთი ყველაზე ხშირად დასმული კითხვა, ლეო მესისა და კრიშტიანუს შორის უკეთესის არჩევას გვავალდებულებს. თუმცა საფეხბურთო სამყარო ერთ დასკვნამდე ჯერაც ვერ მისულა.

მესიმ პრესასთან კიდევ ერთხელ ისაუბრა რონალდუსთან მეტოქეობის შესახებ:”არ ვცდილობ მსოფლიოს საუკეთესო ფეხბურთელი ვიყო, ეს უბრალოდ არ მაინტერესებს. არასოდეს მითქვამს, რომ პირველი, მეორე, მესამე ან მეოთხე ვარ.

ყოველ ჯერზე, როდესაც სეზონი იწყება, ჩემს თავს მიზნად ყველაფრის მოგებასა და გასულ წელთან შედარებით უკეთესი ფეხბურთის თამაშს ვუსახავ.

მოედანზე გასვლისას ყველაფერს უკან ვიტოვებ და ვცდილობ ჩემი თავისა და თანაგუნდელებისათვის ბოლომდე დავიხარჯო. ჩემთვის უმნიშვნელოა, თუ ვინ იქნება ან არის მსოფლიოს საუკეთესო ფეხბურთელი,” – აცხადებს არგენტინელი ფეხბურთელი.