მესი: “სამი დღე აქ ვართ, უფრო ადრე რატომ არ მოხვედით?”

მსოფლიოს 2022 წლის ჩემპიონატის შესარჩევ ეტაპზე ბრაზილიის ნაკრები სან პაულუში არგენტინას მასპინძლობს. შეხვედრა საწყის წუთებში, ძალიან მოულოდნელად შეწყდა.

როგორც ირკვევა, ოთხი არგენტინელი ფეხბურთელი ბოლო 14 დღის განმავლობაში ინგლისში იმყოფებოდა, რის გამოც მათ ბრაზილიაში შესვლის უფლება არ ჰქონდათ. ამის გამო, მოედანზე ოფიციალური პირები შეივდნენ, რომლებსაც ემილიანო მარტინესის, კრისტიან რომეროს, ლო სელსოსა და ემილიანო ბუენდიას ქვეყნიდან გაძევება სურდათ.

ბრაზილიის მთავრობის წარმომადგენლების განცხადებით, ამ ოთხმა ფეხბურთელმა კოვიდ 19-ის პროტოკოლი დაარღვია.

არგენტინის ნაკრებმა მოედანი დატოვეს. ლიონელ მესი სიტუაციაში გარკვევას ცდილობდა. გუნდის კაპიტანი არგენტინის ჯანდაცვის სამინისტროს წარმომადგენლებს ესაუბრებოდა და მათ შეკითხვა დაუსვა: “უხერხულია. სამი დღეა აქ ვართ და მატჩის დაწყებას ველოდით. აქამდე რატომ არ მოხვედით?”