მესი ტიტეს: “მოკეტე!” (ვიდეო)
15 ნოემბერს, საუდის არაბეთში ბრაზილიისა და არგენტინის ეროვნულ ნაკრებებს შორის ამხანაგური მატჩი გაიმართა. შეხვედრა არგენტინელთა გამარჯვებით, 1:0 დასრულდა. ერთადერთი გოლი ლიონელ მესიმ მე-13 წუთზე გაიტანა.
მესის მიერ დარტყმული თერთმეტმეტრიანი ალისონმა მოიგერია, არგენტინელმა კი დამატებაზე გაიტანა.
კამერებმა ბრაზილიელთა მთავარ მწვრთნელ ტიტესა და არგენტინელთა კაპიტანს შორის შელაპარაკების მომენტი დააფიქსირეს. ტიტეს მატჩის შემდეგ კომენტარის გაკეთება ამ საკითხზე სთხოვეს.
“მე პენალტის ეპიზოდზე უკმაყოფილებას გამოვთქვამდი, მან კი მითხრა: “მოკეტე!” შემდეგ, მეც იგივე ვუთხარი და ყველაფერი ამით დასრულდა”, – ციტირებს ბრაზილიის ნაკრების თავკაცის სიტყვებს globoesporte.
O repórter cinematográfico Jordi Bordalba flagrou o momento em que Messi manda Tite calar a boca. O técnico brasileiro comentou sobre o desentendimento com o argentino -> https://t.co/XgISSBT4dk pic.twitter.com/SEO8dJXA27
— globoesportecom (@globoesportecom) November 15, 2019
