მესიმ გაიტანა, არგენტინის ნაკრებმა ისევ ვერ მოიგო (ვიდეო)
20 ივნისს, კოპა ამერიკის ჯგუფური ეტაპის მეორე ტურში არგენტინის ნაკრები პარაგვაის დაუპირისპირდა და ფრედ 1:1 ითამაშა.
შეხვედრაში ანგარიში 37-ე წუთზე პარაგვაელთა ნახევარმცველმა რიჩარდ სანჩესმა გახსნა. არგენტინელებმა წონასწორობა 57-ე წუთზე აღადგინეს. პარაგვაის ნაკრების მცველმა პირისმა საჯარიმოში ხელით ითამაშა, რის გამოც თერთმეტმეტრიანი დაინიშნა. პენალტი ლიონელ მესიმ ზუსტად შეასრულა და ანგარიში 1:1 გახადა.
ამ ფრის შემდეგ, არგენტინის ნაკრები 1 ქულით B ჯგუფში ბოლო ადგილზეა. 1 ქულა აქვს ყატარსაც, რომელიც ბურთების უკეთესი შეფარდების გამო მესამე პოზიციაზეა და არგენტინას ბოლო ტურში დაუპირისპირდება. ჯგუფის ლიდერი კოლუმბიაა, ხოლო მეორე ადგილს პარაგვაი იკავებს.
იხილეთ მესის გოლი და მომენტები
Lionel Messi vs Paraguay (19/06/2019)
RTs and likes appreciatedYouTube: https://t.co/Is5fSlJIhd
Subscribe to: https://t.co/968qR689KW pic.twitter.com/4sSP5OmSUP— The Mighty Reds (@futbol_delight) June 20, 2019
