მესის ყველა რეკორდის ამსახველი სურათი
101greatgoals.com-მა ლიონელ მესის რეკორდების ამსახველი სურათი წარადგინა.
ლეო მხოლოდ 27 წლისაა, თუმცა უკვე იმდენი მოახერხა, რომ „ბარსელონას“ ყველა დროის საუკეთესო ბომბარდირია.
როგორც სტატისტიკა გვიჩვენებს, არგენტინელმა ფეხბურთში ყველაზე მეტ რეკორდს მიაღწია. მესის კიდევ რამდენიმე რეკორდის მისაღწევად მხოლოდ რამდენიმე გოლი და საგოლე გადაცემა აკლია.
„ბარსას“ ლიდერს გოლი ზედიზედ სამ მატჩში არ გაუტანია, თუმცა ესპანელის ლა ლიგის ყველა დროის საუკეთესო ბომბარდირობამდე მას მხოლოდ ორი გოლი აშორებს. გარდა ამისა, ესპანეთის პირველობის ისტორიაში საუკეთესო ასისტენტის წოდებამდე ლეოს ექვსი პასი უკლია. ამავდროულად, „ბარსელონას“ ისტორიაში საუკეთესო ასისტენტობისთვის მესის კიდევ 14 საგოლე პასის გაკეთება მოუწევს.
რაც შეეხება ეროვნულ ნაკრებს, იმისთვის, რომ ლიონელი არგენტინის ყველა დროის საუკეთესო ბომბარდირი გახდეს, მას საერთაშორისო დონეზე 8 გოლი აკლია.
