მეტალურგი vs დინამო – ურთიერთშეხვედრები

ხუთშაბათს, 11 სექტემბერს, ჩვენი გუნდი უმაღლესი ლიგის მეოთხე ტურის შეხვედრას რუსთავში, ფოლადის სტადიონზე, ადგილობრივი მეტალურგის წინააღმდეგ გამართავს. დაპირისპირება 16:00 საათზე დაიწყება.

ეროვნულ ჩემპიონატში დინამოელები რუსთავულ გუნდს 50–ჯერ დაუპირისპირდნენ. ურთიერთშეხვედრების ისტორიას თუ გადავხედავთ, დედაქალაქელთა უპირატესობა საგრძნობია – 31 მოგება, 10 ფრე და 9 მარცხი, ბურთების შეფარდება 98/38 ჩვენი გუნდის სასარგებლოდ. 1993 წლის 3 ივნისს დინამოელებმა თბილისში, რუსთავის გორდას გამანადგურებელი ანგარიშით 12:4 სძლიეს. დაპირისპირების სერიის ყველაზე პოპულარული ანგარიში კი 2:0 არის, მატჩის ბოლოს მსგავსი რეზულტატი 9-ჯერ დაფიქსირდა და ცხრაჯერვე დინამოს სასარგებლოდ.

ბოლოჯერ კი ეს გუნდები 17 მაისს შეხვდნენ ერთმანეთს. დინამო არენაზე გამართული მატჩი დინამოელთა გამარჯვებით 2:0 დასრულდა. ჩისკო მუნიოსმა დუბლი შეასრულა.

FCDinamo.Ge