„მილანი“ საშინაო მარცხს გადაურჩა
იტალიის სერია A-ს XXII ტურის ეგიდით „მილანმა“ „ჯუზეპე მეაცაზე“ „ტორინო“ მიიღო და წაგებას გადაურჩა.
შეხვედრის მე-18 წუთზე ანგარიში ტურინელთა თავდამსხმელმა ჩირო იმობილემ გახსნა. „როსონერიმ“ გათანაბრება მეორე ტაიმის დასაწყისში მოახერხა, ლამაზი დარტყმით თავი მილანურ კლუბში ახლახანს იჯარის წესით გადმოსულმა ადილ რამიმ გამოიჩინა — 1:1.
ამრიგად, „მილანმა“, მთავარი მწვრთნელის პოსტზე კლარენს ზეედორფის დანიშვნის შემდეგ, პირველი ქულები დაკარგა.
„როსონერის“ აქტივში 29 ქულა აქვს და სატურნირო ცხრილის მე-9 ადგილი უკავია, თუმცა დღეს მისი უშუალო კონკურენტები თამაშობენ და შესაძლოა, დაქვეითდეს. „ტორინომ“ 33 ქულა დააგროვა და მე-6 პოზიციაზე გადაინაცვლა.
იტალიის სერია A
XXII ტური
„მილანი“–„ტორინო“ 1:1
გოლები: რამი 49′ – იმობილე 18′.
გაფრთხილებები: პაცინი 78′, ბონერა 81′ – ვივესი 74′, მაქსიმოვიჩი 76′.
ბექა დოგრაშვილი
