“მილანის” ფანები ყოველთვის მეყვარება” – ჯანლუიჯი დონარუმას პასუხი (ფოტო)

“პარი სენ-ჟერმენის” მეკარე ჯანლუიჯი დონარუმამ “მილანის” იმ ფანებს უპასუხა, რომლებიც მას “სან სიროზე” ესპანეთის წინააღმდეგ გამართული მატჩის მიმდინარეობისას უსტვენდნენ.

როგორც იცით, 22 წლის კარის დარაჯმა “როსონერი” გასულ ზაფხულს თავისუფალი აგენტის სტატუსით დატოვა და პარიზულ კლუბს შეუერთდა.

იტალიურ სატელევიზიო შოუში Le Iene-ში სტუმრობისას, დონარუმას ხელზე “მილანის” ლოგო დაახატეს, რის შემდეგაც ჟურნალისტმა მას ჰკითხა: “როცა პარიზში დაბრუნდები, ესტუმრები თუ არა ტატუ არტისტს და ამ ნახატს სამუდამო ტატუდ გადააქცევ?”

დონარუმა: “ვნახოთ, ვნახოთ… “მილანის” ფანები ყოველთვის მეყვარება. მე გულით ყოველთვის “როსონერო” ვიყავი. როცა სტვენა მესმის, ცოტათი იმედგაცრუებული ვრჩები. “მილანში” რვა წელი გავატარე და “სან სიროზე” დაბრუნება ემოციურია. მე აქ გავიზარდე და კლუბის ერთ-ერთ გულშემატკივრად ვრჩები. რვა წელს ასე მარტივად ვერ დაივიწყებ. იმედი მაქვს, მომდევნო ჯერზე უკეთესად დამხვდებიან.”