“მილანის” სამარცხვინო მარცხი – “როსონერი” “ატალანტასთან” განადგურდა (ვიდეო)

22 დეკემბერს, იტალიის სერია A-ს მე-17 ტურში “ატალანტამ” საკუთარ მოედანზე “მილანი” მიიღო და ანგარიშით 5:0 გაიმარჯვა.

შეხვედრაში ანგარიში მე-10 წუთზე პაპუ გომესმა გახსნა, ამის შემდეგ პირველ ტაიმში არაფერი შეცვლილა, თუმცა მეორე ნახევარში მასპინძლებმა მილანელები გაანადგურეს. 61-ე წუთზე პაშალიჩმა უპირატესობა ორამდე გაზარდა, რასაც ორ წუთში ილიჩიჩის გოლი მოჰყვა. 72-ე წუთზე ისევ ილიჩიჩმა ულამაზესი გოლით გამოიჩინა თავი. საბოლოო ანგარიში 83-ე წუთზე ლუის მურიელმა დააფიქსირა, რომელმაც დონარუმას შეცდომის შემდეგ სტუმართა კარში ბურთი გადაგზავნა.

ამ მარცხის შემდეგ, “მილანი” იტალიის ჩემპიონატში მე-10 ადგილზე, “ატალანტამ” კი მე-5 პოზიციაზე გადაინაცვლა.

Josip Ilicic with a screamer & Atalanta now lead AC Milan 5-0.#SerieATIM #AtalantaMilan

pic.twitter.com/s3Xl6tS6yk

— Che Calcio Fai? (@CalcioFai) December 22, 2019