“მილანმა” და “ინტერმა” ქულები გაიყვეს (ვიდეო)

15 აპრილს, იტალიის სერია A-ს 32-ე ტურში დერბი “დელა მადონინა” გაიმართა – “სან სიროზე” ერთმანეთს “ინტერი” და “მილანი” დაუპირისპირდნენ.

შეხვედრაში ანგარიში 36-ე წუთზე ანტონიო კანდრევამ გახსნა, პირველი ნახევრის დასრულებამდე ერთი წუთით ადრე კი მაურო იკარდიმ “ინტერის” უპირატესობა ორამდე გაზარდა.

მატჩის 83-ე წუთზე ალესიო რომანიოლიმ სუსოს ჩაწოდების შემდეგ გოლის გატანა მოახერხა და სხვაობა შეამცირა. შეხვედრის დამატებით წუთებზე კრისტიან ზაპატამ “ნერაძურის” კარი დალაშქრა და საბოლოო ანგარიში (1:1) დააფიქსირა.

“ინტერი“: ჰანდანოვიჩი; მირანდა, მედელი, ნაგატომო, დ’ამბროსიო; კონდოგბია, გალიარდინი; პერისიჩი, ჟოაო მარიო, კანდრევა; იკარდი.
მთავარი მწვრთნელი: სტეფანო პიოლი.

“მილანი“: დონარუმა; კალაბრია, ზაპატა, რომანიოლი, დე შილიო; ფერნანდესი, სოსა, კუჩკა; სუსო, ბაკა, დეულოფეუ.
მთავარი მწვრთნელი: ვიჩენცო მონტელა.

გოლები: კანდრევა 36′, იკარდი 44′ – რომანიოლი 83′, ზაპატა 90+7′.