“მილანმა” “ემპოლი” გაანადგურა, პიონტეკი შეუჩერებელია (ვიდეო)

სერია A-ს 25-ე ტურში ჯენარო გატუზოს “მილანმა” საკუთარ კედლებში “ემპოლი” მიიღო. როგორც მოსალოდნელი იყო, შეხვედრა საკმაოდ კარგ ფორმაში მყოფი “როსონერის” დამაჯერებელი გამარჯვებით დასრულდა.

შეხვედრის პირველ ნახევარს მეტწილად დაზვერვითი ხასიათი ჰქონდა. ბურთს უმეტესად “მილანელები” ფლობდნენ და ცდილობდნენ, რომ მეტოქეთა სუსტი მხარეები შეესწავლათ. ტაიმი ფრედ, 0-0 დასრულდა.

მეორე ტაიმში მასპინძლები გატუზოს დარიგებისამებრ მაღალ ტემპს სთავაზობდნენ მეტოქეს. ანგარიში მალევე, შეხვედრის 49-ე წუთზე გაიხსნა – ჩალჰანოღლუს გადაცემა გოლად პიონტეკმა აქცია.51-ე წუთზე კასტილეხომ კესიეს გაატანინა, 67-ე წუთზე კი თავადვე შეძლო საბოლოო ანგარიშის დაფიქსირება.

ასე რომ, “მილანი” ფორმაში შედის და მოსისხლე მტერ “ინტერზე” ზეწოლას აძლიერებს. ამ დროისთვის გატუზოს გუნდს 45 ქულა აქვს და ერთი ქულით ჩამორჩება “ნერაძურის”, რომელსაც ერთი შეხვედრით ნაკლები აქვს ჩატარებული. მომდევნო ტურში “მილანი” “სასუოლოს” მიიღებს.