“მილანს” ზამთარში ფაბრეგასის დამატება სურს

SportMediaset-ის ცნობით, “მილანს” ზამთრის სატრანსფერო პერიოდში ლონდონის “ჩელსიდან” სესკ ფაბრეგასის შეძენა სურს და ამისთვის რვა მილიონ ევროს ამზადებს.

წყაროს თანახმად, ინგლისელებს ესპანელი ნახევარმცველის სანაცვლოდ მინიმუმ 12 მილიონი ევროს მიღება სურთ, მიუხედავად იმისა, რომ მხარეებს შორის გაფორმებულ კონტრაქტს ვადა მიმდინარე სეზონის ბოლოს ეწურება.

“ჩელსის” მთავარი მწვრთნელი მაურიციო სარი სულაც ფაბრეგასის გუნდში შენარჩუნებას იმედოვნებს.

ესპანელმა ფეხბურთელმა “ჩელსის” ახალწვეულ ჟორჟინიოსთან კონკურენციაში პოზიციები დათმო და მას ინგლისის პრემიერლიგის მიმდინარე სეზონში მხოლოდ 48 წუთი აქვს ნათამაშები.