მილტონ ჰეიგმა იტალიისთვის გაფართოებული შემადგენლობა დაასახელა

თარიღი: ნოემბერი 7, 2018

თიბისი რაგბის სერიების პირველ მატჩამდე 72 საათი რჩება. 10 ნოემბერს, საქართველოს დროით 18 საათზე, საქართველო ფლორენციაში, „არტემიო ფრანკის“ სტადიონზე იტალიის ეროვნულ ნაკრებს ერკინება.

იტალიასთან ტესტის მნიშვნელობა კარგად აქვს გათვითცნობიერებული თითოეულ ბორჯღალოსანს, გულშემატკივარს და რა თქმა უნდა მილთონ ჰეიგს:

„ამ მატჩის ირგვლივ ძალიან დიდი ინტერესია ბრიტანული მედიის მხრიდან. უკანასკნელი ორი კვირის განმავლობაში ისინი არაერთხელ დამიკავშირდნენ. დიდი მოლოდინებია საფრანგეთსა და რა თქმა უნდა იტალიაში. რამდენიმე ახალ ზელანდიური გამოცემაც კი დამიკავშირდა. აქედან გამომდინარე, მოლოდინი დიდია.

„ძალიან ბევრი ელოდება ამ მატჩს. საზოგადოებასა და მედიაში გრძელდება საუბრები იმის შესახებ, რომ საქართველო რაიმე სახით უნდა გახდეს ექვსი ერის წევრი – იქნება ეს ფორმატის შეცვლით, თუ ჩანაცვლების მეთოდით. ჩვენც რა თქმა უნდა გვსურს, რომ ეს „საუბრები“ გაგრძელდეს და მათ გასაგრძელებლად შესაბამისი შედეგები დავდოთ. მაგრამ როგორც ადრეც ავღნიშნეთ, იტალიამ საკმაოდ მნიშვნელოვნად გააუმჯობესა თამაში, მას შემდეგ, რაც მათი მწვრთნელი კონორ ოში გახდა.

„გარდა ამისა, ‘ზებრესა’ და ‘ბენეტონს’ ძალიან კარგი მწვრთნელები ყავთ, ერთ-ერთს ვიცნობთ კიდეც – მაიკლ ბრედლი, რომელიც 2015 წლის მსოფლიო თასზე ჩვენთან მუშაობდა. ეს გუნდები ევროტურნირებზე ისე თამაშობენ, როგორც იტალიის ნაკრებს სჭირდება. იტალიის ნაკრების წევრების უმეტესობა ხომ ამ გუნდის მოთამაშეები არიან. და ისინი ტურნირებს, სადაც ‘ძებრე’ და ‘ბენეტონი’ თამაშობენ იყენებენ იმისთვის, რომ იტალიის ნაკრების თამაში გააუმჯობესონ. ეს მთავარი მწვრთნელის, ოშის ძალიან ჭკვიანური მიდგომაა.“

16 მორკინალი და 12 უკანა ხაზი

ჩვენი გუნდი 26 ოქტომბრიდან საფრანგეთში, შეკრებაზე იმყოფებოდა. თიბისი რაგბის სერიების პირველი მატჩისთვის 28 კაციანი გაფართოებული შემადგენლობა შეირჩა. საბოლოო, 23-კაციანი სათამაშო განაცხადის წარდგენამდე, ქართველთა რაზმში 16 მორკინალი და 12 უკანა ხაზელია.

როგორც ადრე ავღნიშნეთ, ტრავმების გამო ჩვენს გუნდს რამდენიმე მოთამაშე ვერ დაეხმარება: კოტე მიქაუტაძე, დავით კაჭარავა, კარლენ ასიეშვილი, გიორგი ნემსაძე, ვიტო კოლელიშვილი, კოკი თხილაიშვილი, მირიან მოდებაძე, მერაბ კვირიკაშვილი და გურამ შენგელია.

10 ნოემბრის მატჩისთვის სამი დებიუტანტი ემზადება: ბურჯები გურამ გოგიჩაშვილი და ბექა გიგაშვილი, ასევე მგეზავი თედო აბჟანდაძე. ბორჯღალოსნების კვართით 5 წლის წინ, ერთადერთხელ უთამაშია შუამარბ ზურაბ ძნელაძეს, რომელიც მას შემდეგ გაფართოებულ შემადგენლობაში პირველად მოხვდა.

ჰეიგს დებიუტანტების ეიმედება და მათ ასე ახასიათებს:

„ეს ბიჭები საკმაოდ კარგი მოთამაშეები არიან: გურამ გოგიჩაშვილი, რომელიც ძალიან კარგად თამაშობს ‘რასინგში’; ბექა გიგაშვილი, რომელსაც გარკვეული დროის განმავლობაში ვაკვირდებოდით ‘გრენობლში’, სადაც ის დავით ქუბრიაშვილთან ერთად თამაშობს და მისგან ბევრს სწავლობს. მას ორივე ბურჯის პოზიციაზე შეუძლია თამაში და შარშან ‘გრენობლში’ კვაჭის პოზიციაზე 5 თამაშის ჩატარებაც მოუწია. ამ ბიჭებს შანსი საკმაოდ რთულ ფაზაში ეძლევათ და თუ ისინი შეძლებენ კარგად თამაშს, რაშიც დარწმუნებული ვარ, მაშინ ნებისმიერ სერიაში კარგად ითამაშებენ“

„თედო აბჟანდაძეს ყველა კარგად იცნობს. ჩვენ მას 18 თვის განმავლობაში ვაკვირდებით, ჯერ მხოლოდ 20-წლამდელია და მიმაჩნია, რომ ძალიან ნიჭიერი მორაგბეა – ერთ-ერთი ბუნებრივად ყველაზე ნიჭიერი მორაგბე, რომლის წვრთნის პატივიც საქართველოში მქონია“.

„ასევე გვყავს „ტურბო“ (ზურაბ ძნელაძე), რომელიც კარგა ხანია არ ყოფილა ნაკრებში. ის საკმაოდ ფიზიკურია და ბუნებრივად აქვს ოფლოუდების გაკეთების ნიჭი. მასში კიდევ ის მოგვწონს, რომ შეუძლია როგორც ცენტრში, ასევე ფრთაზე და 15-ზე თამაში“.

ზემოთნახსენები მორაგბეების გარდა, 10 ნოემბერს ბორჯღალოსნების შერკინების მწვრთნელის რანგში დებიუტი ექნება ინგლისელ შერკინების მწვრთნელს გრეემ როუნთრის:

„ვფიქრობ, ამ შესაძლებლობით ის ძალზედ აღტაცებული იყო. მას არასდროს უფიქრია, რომ მოუწევდა საქართველოს ნაკრების მწვრთნელობა და როდესაც ეს შესაძლებლობა მიეცა, ძალიან გაუხარდა, რაც სხვა ყველაფერთან ერთად, მასში ძალიან მომწონს. როუნთრის უმუშავია სამ მსოფლიო თასზე ინგლისთან ერთად, იყო „ბრიტანელი ლომების“ მწვრთნელი, ძალიან გამოცდილია და წარსულში ძალიან კარგი მორაგბე იყო. მას ყველა ის თვისება აქვს, რაც მწვრთნელისთვისაა საჭირო – გამოცდილება, ტექნიკური შესაძლებლობები, თუმცა მასში უმთავრესად სწორედ აღტაცება და მოტივაცია დავაფასეთ“.

„აბსოლიტურად დარწმუნებული ვარ, რომ მას ჩვენს შერკინებაზე პოზიტიური ეფექტი ექნება და არა მხოლოდ მორკინალებზე, არამედ მთელს გუნდზე, ვინაიდან გუნდის კარგი წევრია. როუნთრი ის ადამიანია, რომელსაც ირგვლივ ხალხის შემოკრება და მათთან ერთად მიზნის მისაღწევად ბრძოლა უყვარს. ჩვენმა მორკინალებმა როუნთრი უკვე გაიცნეს და მასზე ძალიან კარგი შთაბეჭდილება დარჩათ. მორკინალებზე და მათ ზომებზე როუნთრისაც განსაკუთრებული შთაბეჭდილება დარჩა. დარწმუნებული ვარ, ის სულ სხვა დონეზე გადაგვიყვანს“ – ამბობს ჰეიგი.

ტრავმით გამოწვეული ხანგრძლივი პაუზის შემდეგ, ნაკრებთან ერთად არიან დუდუ ქუბრიაშვილი (ბოლოს 2 წლის წინ, 2016 წელს შოტლანდიის წინააღმდეგ ითამაშა), ბექა ბიწაძე (ბოლოს 2017 წლის ნოემბერში აშშ-ს წინააღმდეგ ითამაშა) და ბექა გორგაძე (ბოლოს 2017 წლის რაგბი ევროპაზე, რუმინეთთან ითამაშა).

იტალიასთან მატჩის შემდეგ ბორჯღალოსნები შინ დაბრუნდებიან და თიბისი რაგბის სერიების მომდევნო ორ შეხვედრას თბილისში გამართავენ – 17 ნოემბერსა „ავჭალაზე“ სამოასთან და 24 ნოემბერს „მიხეილ მესხზე“ ტონგასთან.

 

 

მსგავსი სიახლეები
რაგბი

თედო აბჟანდაძე: “დავინახეთ, რომ ჩვენი სისტემა მუშაობს”

საქართველოს მორაგბეთა ნაკრების წევრმა, თედო აბჟანდაძემ “შემოდგომის ერთა თასზე” უელსთან განცდილი მარცხის შემდეგ კომენტარი გააკეთა. [&hellip...
წაკითხვა
რაგბი

ლევან მაისაშვილი: “ანგარიში ამ თამაშის მდგომარეობას არ ასახავს”

საქართველოს მორაგბეთა ნაკრების მთავარმა მწვრთნელმა, ლევან მაისაშვილმა “შემოდგომის ერთა თასზე” უელსთან განცდილი მარცხის (18:0) შემდეგ [&hel...
წაკითხვა
რაგბი

ნემანი ნადოლომ სამი საყვარელი ქართველი მორაგბე დაასახელა

“ლესტერ ტაიგერსის” ფიჯელმა ვარსკვლავმა, ნემანი ნადოლომ საქართველოს მიმართ სიყვარული კიდევ ერთხელ გამოხატა. 32 წლის მორაგბემ […]...
წაკითხვა
რაგბი

საქართველოს ნაკრების შემადგენლობა უელსის წინააღმდეგ

ბორჯღალოსნების მთავარმა მწვრთნელმა ლევან მაისაშვილმა, „შემოდგომის ერთა თასის“ მეორე მატჩისთვის სასტარტო შემადგენლობის ხუთი მორაგბე შეცვალა. […]...
წაკითხვა
რაგბი

მერაბ შარიქაძე: მილიონი რამ გვაკლია

საქართველოს მორაგბეთა ნაკრების კაპიტანმა, მერაბ შარიქაძემ ინგლისთან მარცხის (0:40) შემდეგ კომენტარი გააკეთა. “ბევრი რამე გვაკლია […]...
წაკითხვა
რაგბი

ლევან მაისაშვილი: ეჭვი არ მეპარება, რომ მომდევნო მატჩებს უკეთესად ჩავატარებთ

საქართველოს მორაგბეთა ეროვნული ნაკრების მთავარმა მწვრთნელმა, ლევან მაისაშვილმა ინგლისის ნაკრებთან განცდილი მარცხის (0:40) შემდეგ პრესკონფერენცია [&hel...
წაკითხვა
რაგბი

მერაბ შარიქაძე: “უნდა ვიცოდეთ, რამდენად ძლიერი გუნდია ინგლისი”

საქართველოს მორაგბეთა ნაკრების კაპიტანმა, მერაბ შარიქაძემ ინგლისის წინააღმდეგ გასამართ შეხვედრაზე ისაუბრა. როგორც იცით, 14 ნოემბერს […]...
წაკითხვა
რაგბი

ლევან მაისაშვილმა “რვა ერისთვის” 35 მორაგბე შეარჩია

ბორჯღალოსნების მთავარმა მწვრთნელმა, ლევან მაისაშვილმა „შემოდგომის ერთა თასისთვის“ მოსამზადებლად 35 მორაგბე შეარჩია. შოტლანდიასთან გამართული ტესტ-მატჩი...
წაკითხვა
რაგბი

ლევან მაისაშვილი: “ასეთი თამაშები ყოველთვის კარგია, რათა უფრო მეტად გამოვფხიზლდეთ

საქართველოს მორაგბეთა ნაკრების მთავარმა მწვრთნელმა, ლევან მაისაშვილმა შოტლანდიასთან განცდილი მარცხის (48:7) შემდეგ პრესკონფერენცია გამართა. “რა ...
წაკითხვა
რაგბი

საქართველოს ნაკრების შემადგენლობა შოტლანდიის წინააღმდეგ

ბორჯღალოსნების მთავარმა მწვრთნელმა ლევან მაისაშვილმა, 23 ოქტომბერს „მარიფილდზე“, შოტლანდიის ნაკრებთან გასამართი ტესტ-მატჩისთვის შემადგენლობა დაასახელა...
წაკითხვა
რაგბი

საქართველო – რუსეთის მატჩი ისევ გადაიდო

რაგბი ევროპის გადაწყვეტილებით, რაგბი ევროპის ჩემპიონატის 2020 წლის ბოლო ტურის მატჩი საქართველოსა და რუსეთის ნაკრებებს […]...
წაკითხვა
რაგბი

ახალი მწვრთნელები საქართველოს ნაკრებში

ფრანგულ შეკრებაზე ბორჯღალოსნების სამწვრთნელო შტაბს სამი მაღალი დონის სპეციალისტი დაემატება და ისინი გუნდში „შემოდგომის ერთა […]...
წაკითხვა
რაგბი

ოთხი ქართული გვარი – რუსეთის ნაკრების მწვრთნელმა შემადგენლობა დაასახელა

რუსეთის მორაგბეთა ნაკრების მთავარმა მწვრთნელმა, ლილ ჯონსმა უახლოესი მატჩებისათვის გაფართოებული შემადგენლობა დაასახელა. რუსები 12 ოქტომბრიდან […...
წაკითხვა
რაგბი

საქართველოს ნაკრების გაფართოებული შემადგენლობა შოტლანდიისა და რუსეთის წინააღმდეგ მატჩებისა

ბორჯღალოსნების მთავარმა მწვრთნელმა ლევან მაისაშვილმა, შემოდგომის პირველი ორი ტესტ-მატჩისთვის გაფართოებული შემადგენლობა დაასახელა. საქართველოს ნაკრები ...
წაკითხვა